Hjá ferðafólki er nógv at uppliva í Eysturoynni. Her eru bæði náttúruupplivingar, ein rúgva av søvnum at vitja og spennandi upplivingar sum síging og kanorógving.
Eysturoy er næststørsta oyggin í landinum, og her eru nógvar leiðir millum fjøll og dalar, firðir og sund, sum goyma spennandi søgur um okkara forfedrar.

Í Eysturoy ber til at vitja hægsta tind í landinum við harðbalna plantulívinum fyri norðan og njóta blíðu garðsblómurnar í fjálgum urtagarði fyri sunnan. Vit ferðast gjøgnum søvn og søgu og fáa okkum ein bita á nútíðar matstovu ella hugna okkum í bowlinghøllini.

Les meira í nýggja blaðnum "Ferðist í egnum landi".